Policia e Kosovës ka njoftuar se të dielën në Leposaviq ka arrestuar një shtetas të Serbisë, nën dyshimin për kryerjen e veprës penale “Nxitje e urrejtjes dhe mosdurimit”.

Sipas raportit 24-orësh të Policisë, i dyshuari është kapur gjatë shpërndarjes së afisheve në gjuhën serbe, të cilat përmbanin përmbajtje që dyshohet se nxisnin urrejtje dhe përçarje ndërmjet komuniteteve.

“Leposaviq / 31.08.2025 – 00:29. Raportohet se njësia policore gjatë patrullimit ka hasur një person mashkull shtetas Serb i cili ka qenë duke shpërndarë afishe në Gjuhën Serbe me përmbajtje të veprës penale ” Nxitje e urrejtjes dhe mosdurimit”. Me vendim të prokurorit i dyshuari pas intervistimit është liruar, rasti vazhdon të trajtphet në procedurë të rregullt”, thuhet në raport./Arbresh.info